Ortodontzia
Ortodontzia, hortzen eta hezurren posizioa zuzentzeaz arduratzen den espezialitate odontologikoa da, posizio okerrean daudenean.
Ohiko bisitei esker, garaiz antzeman daiteke hortzei edo masailezurrei eragin diezaiekeen edozein arazo, eta, horrela, zuzendu.
Kasu gehienetan, ortodontziaren helburua aurpegiko estetika hobetzea eta hortzen
malposizioak zuzentzea da.
Irribarre polit eta atseginak autoestima hobetzen laguntzen du, adina kontuan hartu gabe. Teknologia berriek lehen oso zailak ziren edo pazientearen laguntza handia eskatzen zuten tratamenduak errazten dituzte. Bai haur zein helduentzako aukera ortodontikoak bide luzea egin dute azken urteotan eta horiei bideratutako alternatiba estetiko ugari daude, esaterako, INVISALIGN.
INVISALIGN
Invisalign ortodontzia teknika ikusezina da, hortzak zuzendu eta pazienteen irribarrea hobetzeko aukera ematen duena. Horretarako, lerrokagailu gardenak erabiltzen dira, modu pertsonalizatuan fabrikatuta hortzak jarrera egokia har dezaten pixkanaka.
Informazio gehiegorako: https://www.aligntech.es/es/Pages/FAQs.aspx
Hortzak beti mugituko dira. Gainera, memoria dute eta lehengo egoerara itzultzeko
joera izango dute. Horregatik, ortodontzia-tratamendu baten ondoren, ezinbestekoa
da atxikitzaileak erabiltzea eta programatutako kontroletara joatea. Horrela,
lortutako emaitzak mantentzen dira.
Bi atxikitzaile mota daude:
Atxikitzaile finkoak
Hortzen barru aldetik jartzen diren metalezko barra txikiak dira. Janaria tartean pilatzeko aukera areagotzen du eta garbitzea zailagoa da. Hori dela eta, pazienteak egunero eraginkortasunez garbitu beharra du.
Kendu daitezkeen atxikitzaileak.
Edozein momentutan kendu eta jarri daitezkeenak dira. Hortza guztiak estaltzeko atxikitzaile gardenak dira. Egunero 8 orduz erabiltzea komeni da.